Асосҳои ҳуқуқӣ

Фаъолияти Минтақаи озоди иқтисодии «Панҷ» мутобиқи қонунгузории Ҷумҳурии Тоҷикистон амалӣ гардида, бо санадҳои меъёрии ҳуқуқии амалкунанда танзим карда мешавад. Заминаи ҳуқуқии фаъолияти минтақа тартиби таъсис ва фаъолияти он, ҳуқуқу уҳдадориҳои субъектҳо, шарту шароити татбиқи имтиёзҳои пешбинигардида, инчунин механизми идоракунӣ ва назорати давлатиро муайян менамояд.

Танзими ҳуқуқии фаъолияти минтақа дар асоси санадҳои зерин амалӣ карда мешавад:

1 – Қонуни Ҷумҳурии Тоҷикистон “Дар бораи Минтақаҳои озоди иқтисодӣ”

2 – Низомномаи Минтақаи озоди иқтисодии “Панҷ”

3 – Кодекси андози Ҷумҳурии Тоҷикистон – БОБИ 49. Асосҳои андозбандии фаъолияти минтақаҳои озоди иқтисодӣ

4 – Кодекси гумруки Ҷумҳурии Тоҷикистон – Боби 32. Минтақаи озоди гумрукӣ

5 – Тартиби барасмиятдарории гумрукӣ ва баҳисобгирии молҳои таҳти низоми гумрукии минтақаи озоди гумрукӣ ҷойгиршаванда

6 – Низомнома дар бораи шурои нозирони минтақаҳои озоди иқтисодӣ

Санадҳои мазкур муносибатҳои ҳуқуқии вобаста ба фаъолияти субъектҳои минтақа, татбиқи имтиёзҳои андозӣ ва гумрукӣ, тартиби воридот ва содироти молу маҳсулот, инчунин дигар масъалаҳои марбут ба фаъолияти соҳибкорӣ дар ҳудуди минтақаи озоди иқтисодиро ба таври муфассал ба танзим медароранд.