English 
Русский Минтақаи озоди иқтисодии «Панҷ» ҳамчун платформаи стратегии байналмилалии сармоягузорӣ, истеҳсолот ва логистика таъсис дода шуда, ба рушди саноати ба содирот нигаронидашуда, тиҷорати фаромиллӣ ва иқтисоди рақобатпазир дар сатҳи минтақавӣ ва ҷаҳонӣ равона гардидааст.
МОИ «Панҷ» бо ҷойгиршавии нодири ҷуғрофӣ дар чорроҳаи долонҳои муҳими тиҷоратии байналмилалӣ, наздикӣ ба бозорҳои бузурги Осиёи Ҷанубӣ ва Марказӣ ва дастрасӣ ба шабакаҳои нақлиётии минтақавӣ, ҳамчун маркази ояндадори саноатӣ ва логистикӣ барои сармоягузорони ҷаҳонӣ баромад менамояд.
Бо мақсади ташаккули муҳити рақобатпазири сармоягузорӣ ва рушди иқтисоди инноватсионӣ, дар МОИ «Панҷ» самтҳои зерини афзалиятнок муайян шудаанд:
- Саноати муосири ба содирот нигаронидашуда
- Истеҳсоли маҳсулоти саноатии рақобатпазир барои бозорҳои байналмилалӣ
- Коркарди металл, пластик ва дигар ашёи хом бо арзиши иловашуда
- Истеҳсоли таҷҳизоти саноатӣ ва маишии муосир
- Бунёди кластерҳои истеҳсолии содиротӣ ва индустриалӣ
- Комплекси агросаноатии баландтехнологӣ
- Коркарди амиқи маҳсулоти кишоварзӣ ва истеҳсоли маҳсулоти озуқавории стандартҳои байналмилалӣ
- Бастабандӣ, тамғагузорӣ ва содироти маҳсулоти кишоварзӣ
- Ташкили марказҳои агрологистикӣ ва сардхонаҳои муосир
- Ҷорӣ намудани технологияҳои инноватсионӣ дар соҳаи агросаноат
- Маркази байналмилалии логистика ва транзит
- Марказҳои муосири логистикӣ ва терминалҳои боркашонии байналмилалӣ
- Анборҳои гумрукӣ ва минтақаҳои тақсимоти минтақавӣ
- Инфрасохтори транзитӣ барои савдои фаромарзӣ
- Хизматрасониҳои ҳамлу нақли байналмилалӣ ва мултимодалӣ
- Саноати сабук ва нассоҷии содиротӣ
- Коркарди пахта ва истеҳсоли маҳсулоти нассоҷӣ бо арзиши баланди иловашуда
- Дӯзандагӣ ва истеҳсоли либосҳои тайёр барои бозорҳои ҷаҳонӣ
- Истеҳсоли пойафзол ва маҳсулоти чармӣ
- Ташкили кластерҳои саноати сабук ва истеҳсолоти брендӣ
- Энергетикаи сабз ва технологияҳои инноватсионӣ
- Лоиҳаҳои энергетикаи барқароршаванда (офтобӣ ва бодӣ)
- Технологияҳои сарфаи энергия ва истеҳсолоти экологӣ
- Ҷорӣ намудани технологияҳои рақамӣ ва индустрияи 4.0
- Лоиҳаҳои инноватсионӣ ва технологӣ бо иштироки сармоягузорони байналмилалӣ
- Савдои байналмилалӣ ва хизматрасониҳои тиҷоратӣ
- Савдои минтақавӣ ва фаромиллӣ
- Марказҳои тиҷоратӣ, намоишгоҳӣ ва дистрибюторӣ
- Хизматрасониҳои молиявӣ, суғуртавӣ ва консалтингӣ
- Марказҳои хизматрасонии бизнес ва дастгирии сармоягузорон
Платформаи ҷаҳонии сармоягузорӣ
МОИ «Панҷ» ҳамчун платформаи муосири байналмилалии сармоягузорӣ ба ширкатҳо ва сармоягузорони хориҷӣ имкониятҳои васеи таъсиси истеҳсолот, густариши тиҷорат ва воридшавӣ ба бозорҳои минтақавиро пешниҳод менамояд.
Маъмурияти МОИ «Панҷ» ба сармоягузорон:
- муҳити устувори ҳуқуқӣ ва институтсионалӣ,
- имтиёзҳои андозӣ ва гумрукӣ,
- тартиботи соддакардашудаи бақайдгирӣ ва фаъолияти соҳибкорӣ,
- дастгирии ҳамаҷонибаи маъмурӣ дар асоси принсипи «равзанаи ягона»
пешниҳод менамояд.
Минтақаи озоди иқтисодии «Панҷ» ба яке аз марказҳои пешбари саноатӣ, логистикӣ ва сармоягузории минтақа табдил ёфта, барои татбиқи лоиҳаҳои бузурги байналмилалӣ, рушди истеҳсолоти инноватсионӣ ва тавсеаи ҳамкориҳои иқтисодӣ дар сатҳи ҷаҳонӣ заминаи устувор фароҳам меорад.